FOLKLORUN TOPLANMASI VƏ SİSTEMLƏŞDİRİLMƏSİ ŞÖBƏSİ - İlkin Fariz oğlu Rüstəmzadə
11 iyul 1979-cu ildə Ağdaş rayonunun Şəmsabad kəndində anadan olmuşdur. 1999-cu ildə Bakı Dövlət Universitetinin filologiya fakültəsinin bakalavr, 2001-ci ildə isə magistr pilləsini bitirib. 2007-ci ildə “Azərbaycan nağıllarının süjet göstəricisi (nəzəri və təcrübi problemlər)” mövzusunda filologiya üzrə fəlsəfə doktorluğu dissertasiyasını müdafiə edib.
Əmək fəaliyyətinə 1997-ci ildə AMEA “Folklor Sarayı” Elmi-Mədəni Mərkəzində (indiki Folklor İnstitutu) laborant kimi başlayıb. Daha sonra elmi işçi və böyük elmi işçi vəzifələrinə qədər yüksəlib. 2009-2011-ci illərdə AzərTAC-da Baş direktorun köməkçisi vəzifəsində çalışıb. 2012-ci ildən isə AMEA Folklor İnstitutunda “Folklorun toplanması və sistemləşdirilməsi” şöbəsinin müdiri vəzifəsində çalışır.
24-dən artıq elmi məqalə və kitabın müəllifidir.
Ailəlidir, bir qızı var.
