Bakı Slavyan Univetsitetində AMEA Folklor İnstitutu tərəfindən həyata keçirilən Qərbi Azərbaycan folklorunun toplanılması, nəşri və tədqiqi ilə bağlı görülmüş işlərə dair dəyirmi masa keçirilib. Tədbirdə Qərbi Azərbaycan folklorunun toplanılması və nəşrində xüsusi rolu olan Folkor institutunun aparıcı elmi işçisi, filologiya üzrə fəlsəfə doktoru, dosent Ləman Vaqifqızı (Süleymanova) geniş təqdimatla çıxış edib.

Tədbiri giriş sözü ilə Bakı Slavyan Universitetinin Qərbi Azərbaycan Elmi-Tədqiqat Mərkəzinin müdiri, dosent Dürdanə Hümbətova açıb. O, tədbirin keçirilməsi üçün yaradılan imkana görə Bakı Slavyan Universitetinin rektoru Anar Nağıyevə və AMEA Folklor İnstitutunun direktoru Hikmət Quliyevə tədbir iştirakçıları adından minnətdarlıq ifadə edib.

Sonra çıxış üçün söz dosent Ləman Vaqifqızına verilib. O, çıxış edərək bu gün Qərbi Azərbaycan məsələsinin aktuallığını xatırladıb, ölkə­­mizin və dövlətimizin strateji məsələlərindən biri olduğunu vurğulayıb. Məruzəçi qeyd edib ki, Qərbi Azərbaycan folklorunun toplanılması və tədqiqi olduqca vacibdir. “Xalqın yazılmış tarixindən baş­­­qa bir də yazılmamış tarixi vardır ki, bu tarix onun folk­lo­run­­da yatır. Biz söyləyicilərlə görüşlərimiz zamanı bölgə, onun to­­­ponimləri, orada yaşayan türk tayfaları, tarixi hadisələr və şəx­­­siyyətlərlə bağlı materialları və s. də qeydə alırıq. Bu ma­te­ri­­al­­ların hər biri ayrı-ayrılıqda Qərbi Azərbay­canın ya­zıl­ma­mış ta­­­rixinin səhifələridir”, - deyə Ləman Vaqifqızı vurğulayıb. O, bu bölgədən toplanmış materialların bir hissəsinin tamamilə yeni olmasını xüsusi diqqətə çatdıraraq bu toplamalar sayəsində indiyədək folklorşünaslığımız üçün naməlum olan xeyli mətn, süjet və folklor personajlarının Azərbaycan folklor fonduna daxil olduğunu qeyd edib. 

            Məruzəçi Qərbi azərbaycanlıların ağız ədəbiyyatının yaşadıqları bölgələrin folklorundan tə­sir­­lənməsi ilə bağlı müşahidələrini də diqqətə çatdırıb: - “Düşünürük ki, qaç­qın və məcburi köçkün həyatı yaşamış soydaşlarımızın folk­lor və et­­noqrafiyasında gedən dəyişikliyi öyrənmək ayrıca araş­­dır­ma­nın mövzusu olmalıdır. Ümumiyyətlə, Azərbaycan folklorunda qaçqınlıq, doğma yurd-yuvadan ayrılmağın folklora təsirləri, demək olar ki, araşdırlmayıb. Düşünürük ki, bu, olduqca aktual möv­­­zudur. Çünki bu zaman yurdundan ayrılan əhalinin re­per­tu­­arı nələri qazanır, nələri itirir. Bu, ciddi şəkildə araş­dı­rıl­ma­lı­­dır. Dəyişikliklər mə­kan­la məhdudlaşmır, zaman da buraya öz diq­­təsini edir”.

Sonra Ləman Vaqifqızı ölkəmizin müxtəlif regionlarında məskunlaşan Qərbi Azərbaycandan olan soydaşlarımızla görüşlərdən danışıb, bu bölgənin folklor söyləyiciliyi üçün xas olan xüsusiyyətləri qeyd edib. O, həmçinin Qərbi Azərbaycan folklor mühitinin özünün məkanla bağlılığını itirsə də, sosial bazisini qoruyub saxladığını vurğulayıb.

Dosent vurğulayıb ki, dilimizin saflığının qorunması və zənginləşməsi, milli-mənəvi dəyərlərimizin mühafizəsi baxımından Qərbi Azərbaycan folklor nümünələri dəyərli və əhəmiyyətlidir. Məruzəçi Qərbi Azərbaycan folklorunun ümumi səciyyəvi cəhətləri və bölgələr üzrə fərqlilikləri haqqında da geniş danışıb, ayrı-ayrı janrlar haqqında məlumat verib.

Çıxışdan sonra tədbir iştirakçıları məruzə haqqında düşüncələrini dilə gətiriblər. Azərbaycan dili kafedrasının müdiri, dosent Şəhla Əhmədova, Azərbaycan ədəbiyyatı kafedrasının dosenti, filologiya elmləri doktoru Gültəkin Əliyeva, həmin kafedaranın müəllimi Səbinə Ağababayeva, baş müəllimi Ülkər Yüsifova və digərləri bu cür tədbirlərin filologiya ixtisası üzrə təhsil alan tələbələrin gələcək peşəkar fəaliyyəti üçün əhəmiyyətini vurğulayıblar. Tədbir orada iştirak edən tələbələrin mövzuya dair sualları ilə davam edib.

Sonda tədbir xatirə şəkillərinin çəkilməsi ilə yekunlaşıb.