17 dekabr 2025-ci il tarixində Bakı şəhərində Azərbaycan Milli Elmlər Akade­mi­ya­sı Folklor İnstitutu, Azərbaycan Dövlət Pedaqoji Universiteti və Qərbi Azərbaycan İcmasının birgə təşkilatçılığı ilə “Qərbi Azərbaycan folkloru: problemlər və perspektivlər” mövzusunda II respublika elmi konfransı keçiriləcəkdir.

Konfransın məqsədi - Qərbi Azərbaycan bölgəsinə aid zəngin folklor irsinin sistemli şəkildə toplanması, araşdırılması və elmi dövriyyəyə gətirilməsi istiqamətində görülən işlərin təhlili və müzakirəsidir. Tədbir çərçivəsində həm arxiv materialları, həm də ekspedisiya şəraitində toplanmış nümunələr əsasında folklorun janr, məzmun və funksional xüsusiyyətləri dəyərləndiriləcəkdir.

Eyni zamanda, konfrans Qərbi Azərbaycan folklorunun müasir elmi-nəzəri yanaşmalar əsasında tədqiqini, regionun mədəni yaddaşında “Vətən” və “yurd itkisi” kimi konseptlərin transformasiyasını, milli kimlik və kollektiv yaddaşın formalaşmasında folklorun rolunu araşdırmaq üçün multidissiplinar elmi platforma yaratmağı hədəfləyir.

Konfransın mövzu dairəsi aşağıdakı istiqamətləri əhatə edir:

• Qərbi Azərbaycan həqiqətləri: xalq yaddaşı və tarixi sənədlərdə
• Qərbi Azərbaycanın folkloru və etnoqrafiyası
• Qərbi Azərbaycan folklorunda Vətən anlayışı və yurd itkisi motivləri
• Qərbi Azərbaycan folklorunda milli kimliyin ifadəsi
• Qərbi Azərbaycan folklorunun toplanması və nəşri məsələləri
• Müasir elmi-nəzəri yanaşmalar kontekstində Qərbi Azərbaycan folkloru
• Qərbi Azərbaycan aşıq sənəti
• Qərbi Azərbaycan şivələri
• Qərbi Azərbaycanın toponimikası
• Ədəbiyyatda Qərbi Azərbaycan mövzusu
• Azərbaycan folklorunda süjet və motivlərin variantlaşma xüsusiyyətləri (Qərbi Azərbaycan materialları əsasında)

KONFRANSIN TƏŞKİLAT KOMİTƏSİ

Həmsədrlər:

Akademik İsa Həbibbəyli – AMEA-nın prezidenti

Tar.e.d., prof. Cəfər Cəfərov – ADPU-nun rektoru

Fil.ü.f.d. Əziz Ələkbərli –  Millət vəkili, Qərbi Azərbaycan İcması İdarə Heyətinin sədri, AMEA Folklor İnstitutunun Qərbi Azərbaycan folkloru şöbəsinin müdiri

Təşkilat komitəsinin üzvləri:

Fil.e.d., prof. Mahirə Hüseynova – ADPU-nun prorektoru

Fil.e.d. Hikmət Quliyev – AMEA Folklor İnstitutunun direktoru

Fil.ü.f.d. Əziz Ələkbərli –  Millət vəkili, Qərbi Azərbaycan İcması İdarə Heyətinin sədri, AMEA Folklor İnstitutunun Qərbi Azərbaycan folkloru şöbəsinin müdiri

T.ü.f.d. Leyla Calalova –  ADPU-nun Qərbi Azərbaycan tədqiqatları mərkəzinin müdiri

Fil.ü.f.d. Afaq Ramazanova – AMEA Folklor İnstitutunun direktor müavini

Elmi Heyət:

Fil.e.d., prof. Seyfəddin Rzasoy – AMEA Folklor İnstitutunun şöbə müdiri

Fil.e.d., prof. Ramazan Qafarlı – AMEA Folklor İnstitutunun şöbə müdiri

Fil.e.d., prof. Əfzələddin Əsgər – AMEA Folklor İnstitutunun şöbə müdiri

Fil.e.d., prof. Füzuli Bayat – AMEA Folklor İnstitutunun şöbə müdiri

Fil.e.d., dos. Leyla Məmmədova – AMEA Folklor İnstitutunun şöbə müdiri

Fil.e.d., dos. Mətanət Abbasova – AMEA Folklor İnstitutunun şöbə müdiri

Fil.e.d., dos. Ağaverdi Xəlilov – AMEA Folklor İnstitutunun şöbə müdiri

Fil.e.d., prof. İbrahim Bayramov – ADPU-nun Elmi təşkilat şöbəsini müdiri

Fil.ü.f.d., dos. Könül Həsənova  –  ADPU-nun Filologiya fakültəsinin dekanı

Fil.e.d., prof. Könül Səmədova –  ADPU-nun Müasir Azərbaycan dili kafedrasının müdiri

Fil.e.d., prof. Mahmud Allahmanlı – ADPU-nun professoru

Fil.ü.f.d., dos. Tacir Qurbanov – AMEA Folklor İnstitutunun aparıcı elmi işçisi

T.ü.f.d. Leyla Calalova – ADPU-nun Qərbi Azərbaycan tədqiqatları mərkəzinin müdiri

Katiblik:

Səadət İbrahimli – AMEA Folklor İnstitutunun elmi işçisi

Konfransda iştirak şərtləri:

Tədbirdə iştirak etmək istəyənlər 03 dekabr 2025-ci il tarixinə qədər kon­fransın elektron ünvanına (qerbiazerbaycan2@gmail.com) xülasə (250-300 sözdən ibarət olmaqla) göndərməlidirlər. Xülasədə elektron poçt, telefon nömrəsi, təşkilat qeyd olunmalıdır.

Xülasələrin qəbul edilib-edilməməsi haqqında müəlliflərə məlumat verilməsi tarixi: 05 dekabr 2025-ci il (elektron poçt ünvanı vasitəsi ilə).

Təşkilat Komitəsi tərəfindən qəbul edilmiş məruzələrin tam mətnləri 25 de­kabr 2025-ci il tarixindən gec olmayaraq göstərilən e-mail ünvanına (qerbi­azerbay­can2@gmail.com) göndərilməlidir.

Qəbul edilmiş məruzələrin mətnləri kitab halında nəşr olunacaq.

Məruzələrin yazılma qaydaları:

Məruzənin mətni Microsoft Word redaktorunda yığılmalıdır. Həcmi 15 səhifəyə qədər, formatı A4, Times New Roman, 12 pt, yuxarı və aşağı xətlər 20 mm, sol xətt 30 mm, sağ xətt 15 mm, sətirlərarası məsafə 1,5, abzas 1,25 olmalıdır. Müəllifin adı və soyadının altında elmi dərəcəsi, elmi adı, təmsil etdiyi müəssisənin adı, ORCID ID və e-poçt ünvanı qeyd olunmalıdır. Mətndə qeydlər, formullar, cədvəllər, qrafiklər və səhifə nömrələri olmamalıdır. Mənbələr APA sisteminə uyğun şəkildə mətnin içində mötərizədə verilir: məsələn, (Talıbzadə, 2006: 28). Müəllifi göstərilməyən ensiklopediya, toplu və s.-lərə istinadda əsərin adı yazılmalıdır. “Ədəbiyyat” bölməsində ardıcıllıq əlifba sırası ilə düzənlənir (10 pt), nömrələnmir, aşağıdakı nümunəyə uyğun göstərilir.

Linke, U. (1995). Power matters: The politics of culture in German folklore scholarship. History and Anthropology, 9 (1), 1-26.

Johnson, L. R., Kraemer, A., & Niekerk, C. (2021). Introduction: German Fairy Tales and Folklore in a Global Context. German Quarterly, 94(2), 160–164.

Dussen, J.V.D. (2012). History as a Science: The Philosophy of R.G.Collingwood, London, Springer.

Köprülü, M.F. (1999). Edebiyat araştırması. Ankara: Türk Tarih Kurumu.

Xülasə Azərbaycan, rus və ingilis dillərində tərtib olunmalıdır (10 pt, məsafə 1). Açar sözlər 5-10 sözdən ibarət olmalıdır.

Konfransın dili – Azərbaycan dili

Əlaqə telefonu: (+99412) 498–16–21.

Koordinator: fil.ü.f.d. Əmirli Elnarə – AMEA Folklor İnstitutunun aparıcı elmi işçisi.

İnternet ünvanı: www.folklor.az