Noyabrın 23-də AMEA Folklor İnstitutunun Folklor və yazılı ədəbiyyat şöbəsinin aparıcı elmi işçisi, filologiya üzrə fəlsəfə doktoru, dosent Aynur İbrahimova Mədəniyyət TV-də yayımlanan “Türk yurdu” verilişinin qonağı olub. “Qədim türk dastanları” mövzusunda danışan əməkdaşımız türk-oğuz epik ənənəsinin əsas daşıyıcısı olan dastanlarımızın zaman etibarilə yaranma və formalaşma tarixindən söz açıb, epik ənənədə türk düşüncəsinin özəlliklərindən bəhs edib.