"QORQUD" FOLKLOR ANSAMBLI
AMEA Folklor İnstitutunun “Qorqud” ansamblı qədim musiqi alətlərinin, unudulmaqda olan xalq mahnılarının, meydan tamaşalarının rekonstruksiyası və xalqa təqdim edilməsi istiqamətində fəaliyyət göstərir. Ansambl 1976-2014-cü illərdə “İrs” folklor ansamblı adı altında fəaliyyət göstərmişdir. Ansamblın yaradıcıları Rəşid Nəsiboğlu və Sidqi Mustafayev olub. Yarandığı gündən efirə çıxan "İrs" ansamblı daim qədimlik soraqlarını çox böyük sayğı, sevgi ilə tamaşaçılara, dinləyicilərə çatdırıb. Mələkxanım Əyyubova, Ağakərim Hafiz, Əvəzxan Xankişiyev kimi ifaçılar bu ansamblda fəaliyyət göstəriblər. Uzun illər ərzində oxunmayan qədim muğamlarımızın yenidən ifası yönündə ansamblın gərgin çalışmaları olub. Bu baxımdan "Həva" muğamının ifasını xüsusilə qeyd etmək lazımdır. Bəhram Mansurov, Vamiq Məmmədəliyev kimi musiqiçilər "Həva" muğamını soloda ifa etsələr də, sözügedən ansambl bu muğamı vokallaşdırıb.
Ansambl vaxtilə Fransa, İtaliya, Çexoslovakiya, İran və başqa ölkələrdə olub. Neçə onillərdir yaşayan, ruhumuzu daim millilik üstə kökləyən "İrs"in indi də əvvəlki inadla və xəlqi sevgi ilə yaşaması sevindiricidir. 2014-cü ildən bu ansambl respublikanın Əməkdar artisti, muğam ifaçısı, xanəndə Nuriyyə Hüseynovanın rəhbərliyi ilə “Qorqud” adı altında fəaliyyətini davam etdirir. Nuriyyə Hüseynova ansamblın tərkibində bir çox dövlət tədbirlərində çıxış etmişdir. 2002-ci ildə Fransanın Paris və Strasburq şəhərlərində “UNESCO”-nun tədbirlərində konsert proqramı ilə Azərbaycan musiqi sənətini uğurla təmsil etmiş, ansamblın ifasında “UNESCO” tərəfindən kompakt-disk buraxılmışdır. O, ansambl ilə birgə 2005-ci ildə Düşənbədə keçirilən "Qəlblərin səsi" festivalında, İstanbul şəhərində "İslam ölkələrinin mədəniyyət həftəsi" çərçivəsində təşkil edilmiş mədəni proqramlarda yüksək səviyyədə çıxış etmişdir. 2018-ci ildə UNESCO-da Beynəlxalq Türk Mədəniyyəti Təşkilatının (Türksoy) 25 illiyi ilə əlaqədar konsertdə, 2019-cu ildə İstanbulda keçirilən Azərbaycan Kültür Dərnəyinin yaranmasının 80 illiyi ilə əlaqədar tədbirdə, 2019-cu ildə Türkiyənin Şanlıurfa şəhərində keçirilən "Müziğin İzinde 4 Kardeş Şehir" adlı konsertdə və Türkiyənin Camal Rəşid Rey adına İstanbul konsert salonunda çıxış edib. Nuriyyə Hüseynova həmçinin ABŞ-ın Çikaqo və Miçiqan ştatlarında uğurlu solo konsertlər verib. 2016-cı ildə Türkənistaın Marı şəhərinin Türk dünyasının mədəniyyət paytaxtı elan edilməsi ilə əlaqədar konsertdə uğurlu çıxışına görə Türkmənistanın dövlət başçısı Qurbanqulu Berdiməhəmmədov tərəfindən xüsusi mükafata layiq görülüb. 2014-cü ildən Türkiyənin Ankara şəhərinin Yunus Əmrə bələdiyyəsi ilə əməkdaşlıq edərək ənənəvi olaraq hər il keçirilən konsertlərdə çıxış edir. Nuriyyə Hüseynova 2002-ci ildən Türkiyə, İran, Rusiya, Dubay, Şarja, İordaniya, Küveyt, Qazaxıstan, Türkmənistan, Qırğızıstan, Özbəkistan, Fransa, Almaniya, Rumıniya, Vyana, İsveçrə, Amerika, Kanada, Hindistan, Koreya və dünyanın əksər ölkələrində konsertlərdə Azərbaycan musiqisini uğurla təbliğ etmişdir. Ansamblın bədii rəhbəri N.Hüseynova 2007-ci ildə Azərbaycan mədəniyyətinin inkişafındakı xidmətlərinə görə Azərbaycan Respublikasının Əməkdar artisti fəxri adına, 2021-ci ildə isə "Tərəqqi" medalına layiq görülüb.
AMEA Folklor İnstitutunun “Qorqud” folklor ansamblı bu gün də istedadlı xanəndə Nuriyyə Hüseynovanın rəhbərliyi altında ölkə Prezidentinin sərəncamı ilə həyata keçirilən respublikadakı müxtəlif tədbirlərdə uğurla çıxış etməkdədir.
ƏMƏKDAŞLAR
Hüseynova Nuriyyə İsmayıl qızı
Hüseynova Nuriyyə İsmayıl qızı
Şöbə müdiri
İş telefonu /faks:
Telefon:
(+994 55) 390-10-04
E-poçt:
Əliyev Soltan Əliqulu oğlu
Əliyev Soltan Əliqulu oğlu
Rejissor köməkçisi
İş telefonu /faks:
Telefon:
(+994 55) 779-44-49
E-poçt:
Rahil Həsənov
Muradov Ceyhun Həsənağa oğlu
Muradov Ceyhun Həsənağa oğlu
Rejissor köməkçisi
İş telefonu /faks:
Telefon:
(+994 50) 305-52-05
E-poçt:
Əhmədov Əlövsət Zülfüqar oğlu
Əhmədov Əlövsət Zülfüqar oğlu
Rejissor köməkçisi
İş telefonu /faks:
Telefon:
E-poçt:
Məmmədova Həlimət Məhəmməd qızı
Məmmədova Həlimət Məhəmməd qızı
Aktyor
İş telefonu /faks:
Telefon:
(+994 50) 300-81-81
