Baş səhifə
   
 
STRUKTUR
Direktor
Elmi işlər üzrə direktor müavini
Ümumi işlər üzrə direktor müavini
Elmi katib
 
HAQQIMIZDA
İnstitutun tarixi
İnstitutun elmi şurası
 
ŞÖBƏLƏR
Klassik folklor şöbəsi
Türk xalqları folkloru şöbəsi
Dədə Qorqud şöbəsi
Aşıq yaradıcılığı şöbəsi
Mifologiya şöbəsi
Cənubi Azərbaycan şöbəsi
Müasir folklor şöbəsi
Mərasim folkloru şöbəsi
Folklor və yazılı ədəbiyat şöbəsi
Folklorun toplanması və sistemləşdirilməsi şöbəsi
Musiqi folkloru şöbəsi
Təhsil şöbəsi
Folklor fondu
Azsaylı xalqların folkloru şöbəsi
Şəki bölməsi
Qazax-Borçalı bölməsi
Xarici əlaqələr bölməsi
Redaksiya-nəşr bölməsi
"Qorqud" folklor ansamblı
Folklor studiyası
Kadrlar şöbəsi
Mühasibatlıq
 
ELMİ İSTİQAMƏT
Araşdırmalar
Dissertasiyalar
İnnovasiya
Avtoreferatlar
Kitabxana
Qanunvericilik
Simpoziumlar
 
LAYİHƏLƏR
Azərbaycan Folklor Antologiyası
Azərbaycan Folkor Külliyyatı
Güney Azərbaycan folkloru
Qarabağ folkloru
   
Video
Arxiv
Saytın xəritəsi
Bizimlə əlaqə
   
 
LİNKLƏR





Sayğac
free counters
 
11.06.2019

Akademik Məmməd Cəfər Cəfərovun 110 illiyi qeyd edilib

İyunun 11-də AMEA-nın Mərkəzi Elmi Kitabxanasında görkəmli ədəbiyyatşünas və tənqidçi, Dövlət Mükafatı laureatı, Əməkdar elm xadimi, akademik Məmməd Cəfər Cəfərovun 110 illiyinə həsr olunan “Bu günün və sabahın ədəbiyyatşünası” mövzusunda respublika elmi konfransı keçirilib.

Folklor İnstitutunun təşkilatçılığı ilə baş tutan tədbiri giriş sözü ilə bu müəssisənin direktoru, akademik Muxtar İmanov açıb. O, Prezident İlham Əliyevin “Akademik Məmməd Cəfər Cəfərovun 110 illiyinin qeyd edilməsi haqqında” 2019-cu il 15 aprel tarixli Sərəncamının əhəmiyyətindən danışıb. Vurğulayıb ki, alim ömrünün 60 ilə yaxın bir dövrünü ölkədə ədəbi-nəzəri fikrin inkişafına həsr edib, sanballı və fundamental araşdırmaları ilə Azərbaycan ədəbiyyatşünaslığını əhəmiyyətli dərəcədə zənginləşdirib.

Akademik M.İmanov ədəbiyyatşünas alim Məmməd Cəfər Cəfərovun böyük ziyalı, işıqlı, nurlu şəxsiyyət olduğunu, onun ölkə və dünya ədəbiyyatı tarixi, ədəbiyyat nəzəriyyəsi və estetika, fəlsəfə məsələlərinə dair fundamental əsərlər yazdığını bildirib. İnstitut direktoru alimin Nizami Gəncəvi, Məhəmməd Füzuli, Mirzə Fətəli Axundzadə, Cəlil Məmmədquluzadə, Hüseyn Cavid, Səməd Vurğun kimi qüdrətli söz ustalarının yaradıcılığına həsr olunan tədqiqat işlərinin işıq üzü gördüyünü diqqətə çatdırıb.

Məmməd Cəfər Cəfərovun onun elmi rəhbəri olduğunu deyən M.İmanov alimin pedaqoq kimi xidmətlərindən də danışıb, onun gözəl müəllim olduğunu söyləyib. Qeyd edib ki, Məmməd Cəfər Cəfərov Azərbaycanda ədəbiyyat nəzəriyyəsi məktəbinin əsas yaradıcılarından biridir. Alimin tədqiqat əsərləri bu gün də ən dəyərli mənbələrdəndir.

Sonra çıxış edən Azərbaycan Dillər Universitetinin rektoru, akademik Kamal Abdullayev ədəbiyyatşünas alimin səmərəli elmi fəaliyyətindən, onun XIX əsr rus ədəbiyyatının Azərbaycan oxucusuna çatdırılmasındakı xidmətlərindən danışıb. Bildirib ki, Məmməd Cəfər Cəfərov bu sahədə elmi məktəb yaradıb, gənc kadrların hazırlanması istiqamətində təqdirəlayiq fəaliyyət göstərib.

Kamal Abdullayev ölkəmizdə çoxsaylı tənqidçilərin yetişməsində müstəsna xidmətləri olan Məmməd Cəfər Cəfərovun tələbələrin sevimlisinə çevrildiyini, onun gələcəyin ədəbiyyaşünaslarına daim qayğı ilə yanaşdığını diqqətə çatdırıb. Məmməd Cəfər Cəfərovun ictimaiyyət arasında da böyük hörmət qazandığını deyən rektor mərdlik, cəsarət, iradə kimi xüsusiyyətlərə sahib olan alimin elmi irsinin gələcək nəsillərə layiqli miras olduğunu vurğulayıb.

Akademik K.Abdullayev müəllimi Məmməd Cəfər Cəfərovun xeyirxah əməllərindən, yüksək mənəvi keyfiyyətlərindən söhbət açaraq, onunla bağlı xatirələrini bölüşüb.

Tədbirdə Humanitar Elmlər Bölməsinin akademik-katibi, akademik Teymur Kərimli Azərbaycan elminə dəyərli töhfələr verən Məmməd Cəfər Cəfərovun alim, pedaqoq adını hər zaman uca tutduğunu deyib. O, pedaqoji sahədə uzun müddət uğurla çalışan və qiymətli dərsliklərin müəllifi olan alimin həm də humanitar elmlərin, klassik ədəbiyyatın mükəmməl bilicisi olduğunu söyləyib. Qeyd edib ki, Məmməd Cəfər Cəfərov elmlə helmi üzvi şəkildə birləşdirən, öz sağlığında mifləşmiş insan idi.

Görkəmli alimin sadəliyini, insani xüsusiyyətlərini vurğulayan Teymur Kərimli onun əziz xatirəsinin hər zaman qəlblərdə yaşayacağını bildirib.

Tədbirdə fil.e.d. Şirindil Alışanlının "Məmməd Cəfər Cəfərovun elmi-nəzəri görüşləri", fil.ü.f.d. Sərxan Xavərinin "Azərbaycan məhəbbət dastanları Məmməd Cəfər Cəfərovun elmi-nəzəri görüşləri kontekstində“, fil.ü.f.d., dos. Ağaverdi Xəlilovun "Məmməd Cəfər Cəfərovun elmi-ədəbi irsində folklor və etnoqrafiya məsələləri“ və fil.ü.f.d. Dilbər Zeynalovanın "Məmməd Cəfər Cəfərov və dünya ədəbiyyatı“ mövzusunda məruzələri dinlənilib, müzakirələr aparılıb.

Diqqətə çatdırılıb ki, Məmməd Cəfər Cəfərov Azərbaycan Dövlət Pedaqoji və Bakı Dövlət universitetlərində müxtəlif vəzifələrdə çalışıb, daha sonra fəaliyyətini Azərbaycan Elmlər Akademiyasının Dil və Ədəbiyyat İnstitutunun şöbə müdiri, direktoru, eləcə də Azərbaycan Elmlər Akademiyasının Ədəbiyyat, Dil və İncəsənət Bölməsinin akademik-katibi kimi davam etdirib.

           SAYTDA  AXTAR
 
        © Azərbaycan Milli Elmlər Akademiyası
         FOLKLOR  İNSTİTUTU

Bütün hüquqlar qorunur. Yazılardan istifadə edərkən sayta istinad olunmalıdır. 2008-2018.