Folklor İnstitutu Həmkarlar İttifaqı Komitəsinin sədri Tahir Orucov MDB ölkələrinin Ümumhəmkarlar İttifaqları Konfederasiyasının yubiley diplomuna layiq görülüb
Azərbaycan Milli Elmlər Akademiyası Azad Həmkarlar İttifaqınının (AHİ) Rəyasət Heyətinin iyunun 28-də növbəti iclası keçirilib. İclası AHİ-nin sədri, hüquq elmləri doktoru, professor Habil Qurbanov açıb. O, bildirib ki, AMEA-nın bir sıra elmi müəssisələrinin həmkarlar təşkilatlarının sədrləri səmərəli fəaliyyətlərinə görə “Azərbaycan Həmkarlar İttifaqları Konfederasiyasının 25 illik Yubiley döş nişanı” və MDB ölkələrinin Ümumhəmkarlar İttifaqları Konfederasiyasının Yubiley diplomu, Fəxri fərmanla təltif olunublar.
Təltif olunanlar arasında AMEA Folklor İnstitutu Həmkarlar İttifaqı Komitəsinin sədri, filologiya üzrə fəlsəfə doktoru, dosent Tahir Orucov da olub. O, Həmkarlar Təşkilatı sistemində uzun illər səmərəli fəaliyyətinə görə MDB ölkələrinin Ümumhəmkarlar İttifaqları Konfederasiyasının Baş katibi V.P.Şerbakovun fərmanı ilə Ümumhəmkarlar İttifaqları Konfederasiyasının yubiley diplomuna-Fəxri fərmana layiq görülüb.
MDB ölkələrinin Ümumhəmkarlar İttifaqları Konfederasiyasının yubiley diplomunu Tahir Orucova Azərbaycan Milli Elmlər Akademiyası Azad Həmkarlar İttifaqınının (AHİ) sədri, hüquq elmləri doktoru, professor Habil Qurbanov təqdim edib. H. Qurbanov onu Yubiley diplomu, Fəxri-fərman alması münasibətlə təbrik edib və ona sonrakı fəaliyyətində uğurlar arzulayıb.
Mərkəzi qərəgahı Moskva şəhərində yerləşən MDB ölkələrinin Ümumhəmkarlar İttifaqları Konfederasiyası 16 aprel 1992-ci ildə yaradılıb. Hazırda bu təşkilat Rusiya, Ukrayna, Belarus, Qazaxıstan, Azərbaycan, Moldova, Özbəkistan, Qırğızıstan, Gürcüstan, Tacikistan, Ermənistan kimi 11 MDB ölkələrinin milli Həmkarlar İttifaqları Mərkəzlərini özündə birləşdirir. Bu Konfederasiyaya eyni zamanda 37 beynəlxalq sənaye assosiasiyalarını və ümumilikdə 50 milyondan çox üzvü özündə birləşdirir.
|
