Azərbaycan Milli Elmlər Akademiyası
        FOLKLOR  İNSTİTUTU

 
 
Baş səhifə
   
 
STRUKTUR
Direktor
Elmi işlər üzrə direktor müavini
Ümumi işlər üzrə direktor müavini
Elmi katib
 
HAQQIMIZDA
İnstitutun tarixi
İnstitutun elmi şurası
 
ŞÖBƏLƏR
Klassik folklor şöbəsi
Türk xalqları folkloru şöbəsi
Dədə Qorqud şöbəsi
Aşıq yaradıcılığı şöbəsi
Mifologiya şöbəsi
Cənubi Azərbaycan şöbəsi
Müasir folklor şöbəsi
Mərasim folkloru şöbəsi
Folklor və yazılı ədəbiyat şöbəsi
Folklorun toplanması və sistemləşdirilməsi şöbəsi
Musiqi folkloru şöbəsi
Təhsil şöbəsi
Folklor fondu
Azsaylı xalqların folkloru şöbəsi
Şəki bölməsi
Qazax-Borçalı bölməsi
Xarici əlaqələr bölməsi
Redaksiya-nəşr bölməsi
"İrs" folklor ansamblı
Folklor studiyası
Kadrlar şöbəsi
Mühasibatlıq
 
ELMİ İSTİQAMƏT
Araşdırmalar
Dissertasiyalar
İnnovasiya
Avtoreferatlar
Kitabxana
Qanunvericilik
Simpoziumlar
 
LAYİHƏLƏR
Azərbaycan Folklor Antologiyası
Azərbaycan Folkor Külliyyatı
Qarabağ folkloru
   
Video
Arxiv
Saytın xəritəsi
Bizimlə əlaqə
   
 
LİNKLƏR




Sayğac
free counters
 

Qəzənfər Paşayev – 75

Bu günlərdə AMEA Folklor İnstitutu ilə AMEA M.Füzuli adına Əlyazmalar İnstitutunun birgə keçirdiyi tədbir f.ü.e.d., professor Qəzənfər Paşayevin 75 illiyinə həsr olunmuşdu. Mərasimi giriş sözü ilə açan Folklor İnstitutunun drektoru f.ü.e.d. Muxtar Kazımoğlu (İmanov) Q.Paşayevin keçdiyi həyat yoluna və çoxsahəli yaradıcılığına ümumi bir nəzər salaraq qeyd etdi ki, bu gün burada – M.Füzulinin adını daşıyan bir elm ocağında Qəzənfər müəllimin yubiley tədbirinin keçirilməsində bir uyarlıq var. Böyük Füzulinin vətəni İraqdan yazan bir alim adının dahi şairlə qoşa çəkilməsi tamamilə yerinə düşür. Kərkük sevdalı Q.Paşayev dəyərli alim, səriştəli mütərcim, alovlu publisist olmaqla bərabər qayğıkeş insan, yüksək mədəniyyət sahibi olan həqiqi ziyalıdır.
Q.Paşayevin dilçilik, ədəbiyyatşünaslıq və folklorşünaslıq elmimizdəki yerini dürüst dəyərləndirən M.Kazımoğlu yubilyarı Folklor İnstitutunun xüsusi təşəkkürü və zəngin aşıq ifaları toplanmış (1951-2011-ci illər ərzində) musiqi albomu ilə təbrik etdi.


F.ü.e.d., professor Qəzənfər Kazımov yubilyarın daha çox dilçilik elminə gətirdiyi yeniliklərdən, İraq-Türkman linqvistikasına təhlili münasibətindən danışdı və alim adaşını 75 yaşı ilə əlaqədar ürəkdən təbrik etdi.
M.Füzuli adına Əlyazmalar İnstitutunun direktor əvəzi Paşa Kərimli ziyalı insanlar üçün belə yubiley tədbirlərinin keçirilməsini bir mənəviyyat amili kimi dəyərləndirdi. O, qeyd etdi ki, Q.Paşayev bir zaman bizə uzaq görünən İraqı öz əsərləri ilə çox yaxına gətirdi. Ümummilli mənafe, millətsevərlik baxımından bu insanın xidmətləri əvəzsizdir.
F.ü.e.d., professor İsrafil Abbaslı uzun illər ünsiyyətdə olduğu Q.Paşayevin həm alim kimi fəaliyyətindən, həm də insanlara insani münasbətlərindən səmimiyyətlə söhbət açdı. Millətini, xalqını, vətənini sevən yubilyar haqqında yekun sözü belə oldu: “O, azərbaycanşünas alimdir.”
Türkiyədə yaşayan f.ü.f.d. Seyfəddin Altaylı qeyd etdi ki, Qəzənfər Paşayev təkcə Azərbaycanın yox, türk dünyasının böyük alimidir. Türkiyə pəncərəsində baxanda o, başqa bir biçimdə görünür.
Q.Paşayevin tələbəsi Şahin Xəlilli tərcümə sənətinə yiyələnməkdə öz müəlliminin əvəzsiz rolu olduğunu vurğuladı. Onu da əlavə etdi ki, Qəzənfər müəllim ingilis və Amerika ədəbiyyatı ilə məşğul olan gənc mütərcimlərə hər zaman qayğısını əsirgəməyib.


F.e.d., professor Kamran Əliyev Qəzənfər müəllimlə professor Abbas Zamanovun vasitəsilə tanış olduğunu söylədi. O, bu illər ərzində Qzənfər Paşayevin necə məhsuldar, zəhmətkeş alim, ünsiyyətcil insan olduğu barədə ürək dolusu danışdı. Bunu da əlavə etdi ki, bu ünsiyyətçilik və səmimiyyət Qəzənfər müəllimin yaradıcılığına da hopub. K.Əliyev çıxışında belə ümumiləşdirdi: ”Qəzənfər Paşayev Kərkükü kəşf etdi”.
Yubiley tədbirində iştirak edənlər f.ü.f.d. Adil Cəmil, f.ü.f.d. Elxan Məmmədli, sənətşünas professor Rafiq İmrani, f.e.d. Qurban Bayramov, f.e.d Möhsün Nağısoy, f.e.d. Vaqif Sultanlı, f.e.d. Mahmud Allahmanlı, f.ü.f.d. İslam Sadıq, f.ü.f.d. Səkinə Qaybalıyeva da çıxış edirək yubliyar haqqında ürək sözlərini dilə gətirdilər.
Sonda Q.Paşayev onun elmi, ədəbi yaradıcılığına müxtəlif aspektlərdə yanaşan çıxışçılara dərin minnətdarlığnı bildirdi.

A.Savalan

           SAYTDA  AXTAR
 
        © Azərbaycan Milli Elmlər Akademiyası
         FOLKLOR  İNSTİTUTU

Bütün hüquqlar qorunur. Yazılardan istifadə edərkən sayta istinad olunmalıdır. 2008-2017.