Baş səhifə
   
 
STRUKTUR
Baş direktor
İcraçı direktor
Ümumi işlər üzrə direktor müavini
Elmi katib
 
HAQQIMIZDA
İnstitutun tarixi
İnstitutun elmi şurası
 
ŞÖBƏLƏR
Klassik folklor şöbəsi
Türk xalqları folkloru şöbəsi
Dədə Qorqud şöbəsi
Aşıq yaradıcılığı şöbəsi
Folklor nəzəriyyəsi şöbəsi
Mifologiya şöbəsi
Cənubi Azərbaycan şöbəsi
Müasir folklor şöbəsi
Mərasim folkloru şöbəsi
Folklor və yazılı ədəbiyat şöbəsi
Folklorun toplanması və sistemləşdirilməsi şöbəsi
Musiqi folkloru şöbəsi
Təhsil şöbəsi
Azsaylı xalqların folkloru şöbəsi
Folklor fondu
Xarici əlaqələr bölməsi
Redaksiya-nəşr bölməsi
"Qorqud" folklor ansamblı
Folklor studiyası
Kadrlar şöbəsi
Mühasibatlıq
 
ELMİ İSTİQAMƏT
Dissertasiya Şurası
Araşdırmalar
İnnovasiya
Avtoreferatlar
Kitabxana
Qanunvericilik
Simpoziumlar
 
LAYİHƏLƏR
Azərbaycan Folklor Antologiyası
Azərbaycan Folkor Külliyyatı
Güney Azərbaycan folkloru
Qarabağ folkloru
Qarabağ savaşı
   
Video
Arxiv
Saytın xəritəsi
Bizimlə əlaqə
   
 
LİNKLƏR






Sayğac
free counters
 
15.10.2021

Tanınmış türkoloq alim Məmmədəli Novruzov (Qıpçaq) vəfat edib

Tanınmış türkoloq alim, Bakı Dövlət Universitetinin Filologiya fakültəsinin Türkologiya kafedrasının müəllimi, AMEA Folklor İnstitutunun Dədə Qorqud şöbəsinin əməkdaşı, filologiya elmləri doktoru, professor Məmmədəli Novruzov (Qıpçaq) ömrünün 65-ci ilində vəfat edib.
Məmmədəli Dünyamalı oğlu Novruzov (Qıpçaq) 1956-cı il mart ayının 28-də Naxçıvan Muxtar Respublikasının Babək rayonunun Cəhri kəndində anadan olub. 1973-1978-ci illərdə Azərbaycan Dövlət Universitetinin (indiki Bakı Dövlət Universiteti) filologiya fakültəsində təhsil alıb. 1981-1984-cü illərdə Azərbaycan Dövlət Universitetində aspirant olub. 1985-ci ildən Bakı Dövlət Universitetinin Türkologiya kafedrasında baş müəllim, dosent işləyib, 2006-cı ildən isə kafedranın professoru olub.
M.Novruzov 1989-cu ildə “Türk dillərində hal kateqoriyasının formalaşması və inkişafı” mövzusunda namizədlik, 2003-cü ildə “Kəmiyyət anlayışının dildə ifadəsi” mövzusunda doktorluq dissertasiyası müdafiə edib.
O, türkologiyanın ümumi nəzəri problemləri, qədim türk abidələri, müasir türk dillərinin fonetik, leksik və qrammatik quruluşu, türk əlifbaları sahələrində ciddi elmi araşdırmalar aparıb.
1985-ci ildən Bakı Dövlət Universitetinin Türkologiya kafedrasında çalışıb. “Türkologiyaya giriş”, “Qədim türk dili”, “Qədim türk yazılı abidələri”, “Türk dillərində kəmiyyət kateqoriyası”, “Türk əlifbaları” fənlərindən mühazirə və seminar dərsləri aparıb. Alim 70-ə yaxın elmi, 500-ə yaxın elmi-kütləvi məqalənin, eləcə də “Türk dillərində hal kateqoriyası”, “Türk say sistemi”, “Türk savaş sənəti” (Ə.Əsgərlə birlikdə), “Kəmiyyət anlayışının dildə ifadəsi”, “Söz aləminə səyahət”, “Türk dillərinin səs quruluşu” kimi qiymətli kitabların müəllifi olub.
Tanınmış alim, gözəl insan Məmmədəli Novruzovun parlaq xatirəsi onu tanıyanların, həmkarlarının və tələbələrinin qəlbində daima yaşayacaq.
Allah rəhmət eləsin!

AMEA Folklor İnstitutu

           SAYTDA  AXTAR
 
        © Azərbaycan Milli Elmlər Akademiyası
         FOLKLOR  İNSTİTUTU

Bütün hüquqlar qorunur. Yazılardan istifadə edərkən sayta istinad olunmalıdır. 2008.